गणेशोत्सव  हा हिंदू धर्मीयांचा एक  लोकप्रिय सार्वजनिक उत्सव आहे. भारतीय समाजामध्ये एकी असावी ह्या उद्देशाने बाळ गंगाधर टिळकांनी ह्या उत्सवाला सार्वजनिक स्वरूप आणले. ह्या उत्सवात गणपतीची पूजा केली जाते.

हिंदू धर्मीयांचे आराध्य दैवत असलेल्या विघ्नहर्ता गणरायाचे आगमन भाद्रपद शुद्ध चतुर्थीस होते. दहा दिवस मोठ्या उत्साहाने हा उत्सव साजरा करण्यात येतो आणि अनंत चतुदर्शीस मनोभावे पूजा करून बाप्पास निरोप दिला जातो. या दरम्यान लोकजागृती करणारे मनोरंजक कार्यक्रम होतात तसेच देखावेही केले जातात.